2013大阪~ 22/6 DAY 1

2013大阪~ 22/6 DAY 1 ( 星期六 )

10:10早機到大阪 ~14:55到達大阪關西機場
 

16:00 - 19:00 Rinku Premium Outlet 16:10 Shutte Bus到Rinku Premium Outlet

20:30酒店20:45到達酒店

今朝一早5點半就起身 , 因為我同老公張機票唔可以係網上劃位 , 咁冇辦法之下唯有包車 , 準備早3個鐘頭前去機場check in啦 原來問題就開始發生 , 7點10分左右就到達機場 , 比上機早3個小時 , 馬上行去國泰櫃位 , 如常check in等左一陣個小姐同我地講 , 今日班機乘客好多 , 你地介唔介意坐落下一班一點起飛既機 , 我地會補償每位客人一仟蚊及升級 , 當時聽到好吸引 , 不過再問MC佢唔願意 , 因為我地要早機回來 , 已經冇左一日 , 最後我地都唔接受 , 但問題就出現 , 當時小姐都好無奈 , 不停打電話 , 但我地當然冇理佢啦 , 最後回覆係... 如果其中一位坐開可以嗎? 我同老公都覺得可以接受 , 所以接受左佢地既要求 , 再等一陣佢就比返護照同登記證我地 , 仲同我地講睇下去到閘口同事可唔可以幫忙改番個位 , 當時仲未知原來有問題 , 因為我地非常信任國泰 , 個小姐口頭都講左係一位分開坐 , 我地都可以接受 , 點之到上左機拎張登機證搵位 , 先發現原來張我地一家三口打散晒 , 我都好嬲 , 即係搵空姐幫忙 , 仲問做咩你地地勤小姐冇講係... 三個都要分開啊 ~太過份 , 冇理由連我個12歲小朋友都要分開坐囉 , 個小姐做咩冇講清楚比我地知啊 , 離晒譜

個空姐就幫我地想辦法調位 , 但結果都係調唔到 , 因為真係好多團 , 但我地就好慘 , 搞到未出發就一肚氣 , 個空姐都不停講對唔住 , 我同佢講一定要投訴你地 , 點解可以用咁既方法去對散買機票既客人 , 同我一班機既朋友 , 佢地跟團遲過我到機場就可以坐埋一齊 , 完全冇專重過我地一家三口

睇下以下張登機證 , 34K ,36K ,老公個位仲要去到添57H , 尼件事仲未完 , 我一定要追究 , 將一家三口打到散晒 , 離晒譜...

 

 

 

 

仲未上機時 , 係好開心咁等待 ,班機10點10分 , 但等到10點40分先起機

 

 

3個人開開心心晨早出發 , 上左機後竟然3個要分開坐 ,連瞓教都唔敢瞓 , 淨係係機上行嚟行去 ,要問老公拎護照填入境資料 , 又擔心MC突然要搵我 , 本來連尼個飯都唔想影 , 不過諗起要寫blog都係要影相 ,不過可以講尼個牛肉飯唔好食 , 個前菜好似係洋蔥 , 都係唔好食 , 最好食都係個包

 



  

飛左一大半 , 見有位著黑色衫既小姐 , 比左份意見書我填 , 應該都知我極唔滿意佢地 , 我當然照直寫今次旅程有幾唔開心啦 , 最後交表就比左尼支筆我...

 

時間過得好慢 , 終於都等到落機 , 終於開心返D , 好順利過關同拎行李 , 過左關就即係1/F中間位置Travel Desk 買2日既周遊卡 , 係準備篇睇返銀色本書

有好詳細介紹www.pia-kansai.ne.jp/osp/ja

 

*注意2日卷要出示護照 , 可以唔需要即日用 , 但當用時就要連續2日使用 , 同埋只可以坐地鐵 , 內有包含28個景點既免費入場卷 , 同有大量折扣優惠 , 如果唔係機場買其實都仲有其他地方可以買到  ( 大阪市遊客服務中心~新大阪 ,梅田, 難波, 天王寺或者主要酒店同環球影城 )

記得係Travel Desk 左邊個櫃位問佢地拎大阪地圖及旅遊資料 , 佢地會問你地係邊到嚟 , 香港當然會比中文既資料 2日周遊卷 2700円X3 = 8100円

買完周遊卡 , 就馬上行出去搵12號車站 , 第一站我地先坐Shutte Bus去Rinku Premium Outlet行到去竟然剛走一班車 , 要等下一班車 , 好彩今日星期六 , 等半個鐘就有車

日本既交通工具真係好準時 , 開車時間係16:10 , 行李要自己開車箱放 , 司機唔會幫手啊 ... 電視機仲有打埋站名 , 唔洗擔心會過站

 



開始出發

 

車程大約20分鐘 , 見到好大個摩天輪就到了

第一時間去搵 information 出示護照及係網上印定
拎取優惠卷小冊子 , 佢地會比一份你 , 買到指定價錢就有額外優惠 , 好似買滿 3萬円仲有袋送 , 不過今次我地都買唔到野 , 冇用到

未開始行 , 首先都係容存一件行李先 最大個size 係500円 , 但可以存幾內就唔知 , 我估應該24小時

 

好清楚既提示

MC淨係想買錶 , 就係我地第一站 , 搵下個位置係邊先 ,

原來要上二樓 , 但係好失望 , 鋪好細又冇咩款 ,

 

四圍行下 , 發現尼到風景原來好靚

仲好好天氣添 , 都估唔到大阪尋日仲落緊雨 , 係網上媽媽報料

好似冇咩收獲 , 又肚餓 , 都係入去便利店坐底食下野先 , 左邊支茶100円 , 中間支飲品125円 , 右邊奶茶158円 飯團 105円 , 右邊蛋糕 105円 ,最後MC都係買蛋糕105円 , 合共 698円 , 就係我地係大阪既第一個下午茶

 







食左少少野 ,  d 野又唔平 , 我只係買左一個袋 , 老公就買左一件衫 , 都唔想再繼續浪費時間 , 決定返難波 , 行去拎返件行李先出發 ,

要認住尼座大廈 , 就係尼到坐南海電鐵 , 其實好易認 , 因為得佢最高 , 沿路行去好易認

 



日落真係好靚 , 行到摩天輪對面位置 , 發現有間GU , 即刻同老公入去睇下 , 好彩比老公買到好平既衫同褲 , 但我同MC就冇收獲

再繼續行發現原來另一邊仲有好多野睇 , 但係個心只係想去

難波 , 所以我地都冇停留

但係見到d 咁可愛既小朋友和服 , 又忍唔住影返張相



終於行到尼座大廈 , 其實全程都係10分鐘左右 , 不過我地走左去GU , 所以感覺好似行左好內咁...

夏天真係好 , 7點零先天黑...

落到車站因為太緊張 , 因為第一次係車站買飛 , 所以唔記得影相添 , 但係我地都係直接行埋去同個職員買
車票 740円 , りんくうタウン上車第一個泉佐野站就要落車 , 轉車去難波

http://www.nankai.co.jp/traffic/railmap/nankai.html

19:40到左 泉佐野 行過格離月台就坐車去 なんば難波

20:30終於到達難波 , 心情越來越緊張添 , 15年後再嚟到大阪 , 今次仲要係自由行 , 真係好開心

搵酒店位置 , 沿南海通行上去 , 白色本書真係好有用 , 地面個地圖畫得都好清楚

 

終於拎左房 , 今晚要先住一晚尼間房 , 因為今晚酒店已經full晒 , 我地要聽晚先可以轉間大d既房 , book房時唔記得要高層添 , 今次只係住2樓太矮 http://www.hotel-vista.jp/osaka/index.html

 

好彩尼間房都唔算細 , 不過今晚就要3個人要瞓一張床

間房好乾淨 , 仲有一張寫字枱可以放下野

洗手間個抽風非常好

 個浴缸打開廉仲可以睇電視 , 不過今次同MC一齊 , 就唔可以打開...

 

已經 21:20 仲未食晚飯 , 餓到就快暈 ,向前行出酒店 , 見到尼間章魚丸 , 諗都唔諗好唔好食 , 排隊買左先算 , 好彩門口仲有得坐 , 真係好

500円唔記得8粒定10粒添 , 味道唔算非常好食反而覺得咸左少添

食完再去搵下食咩先 , 住Vista Grande Hotel有個好處 , 就係行出酒店冇幾遠就見到一蘭拉麵 ,相中右邊紅色招牌 , 再行過少少 , 相中有黃色燈既位置 , 就係激安殿堂 , 尼間野有5層 , 勁多野睇 , 價錢又唔貴

終於搵到今晚食晚餐既地方 , 經濟d就 元綠壽司 , 每碟130円 , 9點幾仲有人排隊 , 但係10點半就關門

佢地既醬酒真係好好味 , 好味到唔識講 , 但係壽司就同香港食既差不多

佢地既醬酒真係好好味 , 好味到唔識講 , 但係壽司就同香港食既差不多

真係好肚餓 , 我地3個人真係食得好急希望快D食飽先

 終於食飽 , 13碟冇加一 , 1690円 , 好平啊

由於過晒鐘食飯 , 搞到胃痛添 , 本來發現左有間105円店 , 都只係買左野飲就要行返酒店休息 , MC今次又帶埋兩隻非法入境羊添

今日係機場買既大阪周遊卡 , 我地後日先會用

 仲有係機場MC幫忙拎既大阪旅遊地圖

今日全日都冇好好休息 , 已經好累 , 聽日要轉房所以行李要執好晒交去大堂 , 明天行程改為先去 環球影城 , 希望唔好咁多人啦----------------------------------------------------------------------------------
周遊卡 2700円X3 =8100円= $639.6
Shutte Bus去Rinku Premium Outlet100円X3=300円= $23.7
一個 Locker 500円= $39.5
便利店下午茶 698円= $55.1
Reebok 袋 2646円 = $208.9
Ie coq sportif 1995円= $157.5
GU  2760円 (老公既衫 ) = 用AEON卡
南海りんくうタウン 去 なんば難波740円X3=2220円= $175.3
章魚丸 500円= $39.5
元綠壽司 1690円( 13碟 無加一 ) = $133.4
DAISO 105円店 3枝飲品 105円X3=315円 = $24.9

合共 21,724円(用0.07896對換價)