2015韓國首爾~17/2(年廿九)~day 4 Part B
11:15-11:40 循環巴士 :
加平巴士站 (7-11門口等車) - 小法國村
離開南怡島,我地就趕快穿過下圖停車場,
左手邊就係7-11係門口等循環巴士,
其實附近有好多野食既地方,
如果肚餓一定冇問題~
架巴士好準時11:15到達,
車上除左司機仲有一位伯伯或阿珠媽,
上車後直接比錢就可以,每位WON5000,
會比張時間表你,通知你全日任坐巴士,
又會用英文問你要邊個站落車,
循環巴士每個鐘幾點有車,非常好~
仲好細心係車上講解經過既地方,
可惜只係會用韓文介紹,
我地太眼瞓,攰到瞓左,
好彩上車時,阿珠媽已經知道我地去邊,
到站叫我地落車,真係要多謝佢~
好彩有阿珠媽叫醒我地,所以冇過站,
好順利到達MC一直想來既法國村,
其實落車時有一個故事...
就係亞妹竟然落左車後先發現冇拎背囊,
我當時第一句只係問有冇證件同錢,
好彩個背囊只係有頸巾同後備電,
不過佢已經好唔開心想去搵,
但我地張上網卡係唔可以講電話,
正當再諗有咩辦法,
比我地見到另一架由晨靜開過來既巴士,
我地即時走過去,想同車上伯伯講唔見背囊,
佢竟然已經拎住亞妹個背囊即昤比返佢,
真係好開心,原來係去程阿珠媽將背囊交比回程伯伯,
佢應該知道我地一定會去巴士站拎等,真係好感激佢地~
12:00-13:10 小法國村 入場won8000 http://pfcamp.com
搞左一輪之前個心都跳出來,
終於可以繼續行程,門票WON8000,
終於記得出示手機優惠卷,
一個戶口只可以減收一位WON3000,
入場後右手邊牆上有介紹法國村地方,
睇圖好似幾大,其實係好細,
每個位置都有影相既靚景,
不過2個鐘一定可以行晒,
一定要先影尼個地標啦...哈哈...
邊個方向影出來都一樣咁靚~
MC話一定要同小王子影啦~
冬天有夜晚開放,所以都見有燈飾佈置,
尼兩位小姐都要扮成兩位主角
其中一個房有少量戲服
有劇照海報
尼套當然我都一樣唔知咩啦...哈哈...
尼張我終於識係Runing Man ,
因為差不多每個星期日下午我地都有睇
睇下好似去左歐洲
仲有印章,記得打個印啊~
有部電視不停播緊拍攝過程
搵到一間好靚屋
有齊晒所有野,好歐洲feel~
越高風景就越靚!
繼續向上行~牆上會見到好多小王子
終於行到差不多最高尼幾間屋~
MC每次見到小王子都唔會放過~
行到差不多頂會見到幾個佈景版,
應該係童話故事啦~
由最高再慢慢行返落去,尼個位置好靚~
而且有小食,有咖啡,仲有紀念品賣...
韓國人真係好識做生意,
有一間BEYOND,
有時間所以我地入去睇下,
仲有收獲添~
真係四圍都有小王子~
慢慢影1個鐘多少少,我地已經行晒,
行出大門口,終於記得要影多張相留個念~
行出小法國村右手邊就有巴士站,
記得唔好行過對面馬路,
因為對面馬路係去返加平方向,
尼個站會有電子水牌,
打明下一班車幾點到,
現在時間,氣溫同天氣,
最好都係早15分鐘前去等車,
我地今日都係好彩,冇咩人等車
13:40-14:30 循環巴士 : 小法國村 - 晨靜樹木園
下一站晨靜樹本園...
沒有留言:
發佈留言