2015韓國首爾~17/2(年廿九)~day 4 Part C
13:40-14:30 循環巴士 : 小法國村 - 晨靜樹木園
morningcalm.co.kr
架車都開得好快,應該係個司機已經好熟尼條線,
我同老公都瞓唔到,轉眼間就已經去到清平站,
今晚我地要由尼個站坐返去首爾,
其實尼個站都有好多人上車,
再坐多一陣終於到達晨靜樹木園,
時間仲好早,指定動作,先買門票,
今次叫妹妹都裝左2015韓國購物季個app,
因為法國村只係得一位有優惠,
點之買票位哥哥好好人,
show一個優惠卷比我地3個都有優惠,
MC仲可以用小童入場WON5000,
大人WON8000 每位減左WON 1000,
總共平左WON6000,真開心...
入場外已經有個地圖
附近原來冇野食,可能郊區關係,
所以我地決定入場先食野,
比起南怡島仲凍,又開始有少少雨,
不過都係一樣冇咩積雪,
但河就結晒冰
睇下有好多傘,幾得意...
睇下個山上就有少少積雪,
我估今年降雪量真係好少
14:30-16:00 晨靜樹木園午餐
終於比我地搵到間餐廳,先入去食野同取暖先,
尼到食野比南怡島平,
我地叫左4個WON8000套餐飯
配菜係可以免費加,
每款都好好味,
右邊角魚仔乾MC添左2次,
份量剛夠一個人,幾好味而且有少少辣,
不過我地太肚餓所以加多2個白飯,
每個WON1500
比起南怡島食薄餐,
尼到平好多,而且冇咩人,
我地食左一個鐘,
又坐左半個鐘,
都冇人理我地...哈哈...
16:00-18:50 晨靜樹木園 17:20開燈
坐得太內,有少少唔好意思,
所以決定四圍影下相,
4點個天仲好光,
冇燈都一樣咁靚~
尼個夜晚開左燈一定好靚,
山邊就有積雪
慢慢行上山比我地見到遠處有小教堂
真係小教堂,但好靚,
MC打開去睇,入面原來好靚啊~
我地係小教堂外最少等左半個鐘,等開燈,
原因係唔想落山再上山,小教堂算係山上,
要再行上去真係好辛苦,
準時17:20開燈,入場前記得問幾點開燈啊~
個天仲未黑,我地要盡快天黑前影,
如果天黑就應該好難影到人了,
雖然唔夠靚,但都算唔錯,
四圍都係靚,而且仲多左好多人影相,
尼個景真係好靚,不過我地冇落去影了,
沿路行返出去,
因為我地想坐18:00巴士
其實下面仲有好大地方可以影,
但我地真係趕車出返首爾
真係好靚
尼條小河結晒冰
對面既位置就係正門入口
近門口都一樣仲有燈
我地離開時先有好多韓國人剛剛到
18:00-18:25 循環巴士 : 晨靜樹木園 - 清平站
比我地趕到18:00巴士,準時開車,
其實係我地唔想坐18:30尾班車,
擔心冇位坐到時要CALL的士去清平站,
18:35-20:40 地鐵 : 清平站 - 上鳳 - 首爾
今次第一次坐地鐵返首爾,
好彩係晨靜時遇到位好好傾既香港人,
佢都係去首爾站,我地就一齊坐車,
不過坐地鐵時間真係同坐火車差好遠,
仲要記得去到上鳳站轉車,
而且要用好多時間等車@@
20:45-21:30 首爾站晚餐
去到首爾站已經差不多9點,
仲未食飯添,原先打算去Lotte Mark買手信,
不過都係要先食飯,
原來Lotte Outlets樓上食飯係好平啊~
MC最鐘意食蛋包飯
亞妹點左錯個冷麵,不過佢話都好好味
老公食海鮮烏冬
我就點左個湯飯,又係有少少辣~
每個價錢我已經唔記得,
好彩影左張單,
不過真係又平又抵食
4個餐只係WON27000=HK$191.4
22:00-22:20地鐵 : 首爾 - 忠武路
22:25- STAZ II 酒店休息
第四日行程結束,明早出發去玩Rail Bike...
沒有留言:
發佈留言