2015首爾8天自由行~day 2 Part B

2015韓國首爾~15/2(年廿七) day 2 Part B

行完超市後見仲有時間,再係附近行一下,

轉頭MC已經搵到有化妝品賣既鋪,仲即時入去左試右試添,

由現代百貨個邊行返過對面馬路再向前行2分鐘,

就會見到好多人都入住既Casaville酒店,

本來我地之前都係book尼間,最後覺得舊同唔近明洞,

所以放棄左,再向前行到見到對面馬路有鐵皮屋,

格離就係食企牛既地方,時間仲早,未見有人排隊,

所以再係附近搵下有咩地方行,

點之比我地發現左間比較細既超市,

地點就係Casaville向前行路口右手邊轉入,

即鐵皮屋對面馬路見停車場位置,

裏面貨品唔算好多,但發現門口既生果就好平,

 

咁大盒士多啤梨只係WON4800,即時買一盒,

再開頭先係格蘭超市買既一盒來試,

真係好甜又好食,之後諗其他地方應該冇咁平,

所以再入去買多一盒,

我地4個人就係每朝一盒士多啤梨做甜品...

樣子好新鮮,非常好食,

12:00-12:30 企牛  ( 新村 )

食完士多啤梨見時候都差不多,

就過返對面馬路,已經見到好多人,

仲排到落馬路邊,開始擔心食唔食到第一轉,

好彩到我地時剛好尾二,仲有一張近門口既爐,

之後其他人就要繼續係門口等了,

搵左爐企定定,將D褸除底,佢地有大膠袋提供,

因為地下好濕,唔入好件褸跌左落地下就大件事,

之後阿珠媽會見你地人數將牛直接放入爐面,

仲會幫手剪開,當然之後就自己燒啦,

圖中外面4杯汁已經好好味,點之中間放係爐面既汁,

原來仲好味,係超好味,我明白點解佢地咁好生意了,

食飽每人WON15,000其實真係唔算平,

但真係比真正韓牛仲好食,影張相留個念先...

離開前再影多張相,人龍冇少過,不過真係好好食...

12:30-13:00 步行 : 新村 – 梨大

原本打算坐的士去梨大,之後老公又係提議行路去,

真係行左好遠,大約30分鐘左右,途中又見一間超市,

返嚟睇相先知原來係小型Lotte Mark門口放左好多薯片,

再睇真d,原來就係網上講緊好熱爆既蜂蜜薯片,

MC即時買2包,之後就好似冇再見到,又可能我地冇再留意到,

13:00-14:00 梨大孔陵一隻雞

再繼續行,係地圖睇我地就快去到乙陵一隻雞,

點之再睇睇下,原來我地已經到左,其實位置都難搵,

因為係大馬路再行入內街,真係要睇住地圖先唔會錯過,

坐底後阿珠媽會用普通話問我地要幾多隻雞,

原先打算一隻雞就算,點之佢話我地4個人要一隻半先夠,

最後都係叫左一隻半,睇下都唔細隻,

阿珠媽會幫手剪雞,之後叫我地30分鐘先可以食,

老公唔聽話,見d雞都熟就開始搵雞食,

阿珠媽即時走過嚟叫我地一定要等,可以先食年糕同菇,

之後仲會成日過嚟整走雞油,服務態度真係好好,

最後原本諗住食唔晒既雞,比我地4個食晒,

佢仲會問我地加唔加野,最後我地加左紫菜同一隻蛋,

仲幫我地整成粥,紫菜好香,最好食就係個粥,

反而雞煮得內,唔係非常好食,

食飽飽結帳WON21,000比起食牛,真係平好多,

記得比錢後係個膠盒拎薄荷糖食,幾好味~

 

每後更係又要影相啦~

14:00-15:30 梨大行街

再行多一陣終於比我地行到去梨大行街,

真係好多野睇,衫褲鞋襪,手袋樣樣有,

行左入去就已經連相都冇影...

尼張係離開前先記得影~

 

15:45-16:00的士 : 梨大 – 弘大

之後我地出發去弘大,今次坐的士,因為老公太攰了,

唔洗10分鐘就到,我地又要搵地方坐順便比老公休息下,

16:00-17:00 弘大旗雲金槍魚

出發前係網上見到有人介紹尼間食刺身既,

係韓巢係可以搵到地圖,最近係弘大5號出口,

行出大馬路右手邊就到,

原來佢地個餐係餐係用人頭計,全個旅程最貴尼餐,

如果肚餓就真係好抵食,可惜我地太飽了,

裏面全部講韓文,餐牌只有韓文,

好彩廚房裏面有位阿珠媽識少少普通話,

溝通左好內先知道,刺身係任食,食完可以再添,

餐裏面仲有其他野食,每人WON38000,

如果任食刺身就算係唔貴,

先嚟一盆大刺身,不過好多都係雪得好實,

最好放一陣先食,但分量好足,而且新鮮

食完第一盆已經好飽,不過尼餐真係好貴,

一定要食多盆,可能師傅都見我地個樣飽,

所以第二盆份量已經細左,如果再食得落,

佢地係可以再叫,所以如果鐘意食刺身尼間一定要試...

個餐除左刺身仲有好多其他野食,好似係牛肉,

醬油蝦,沙律,仲有個好似鐵板芝士粟米,每款都好好食,

蒸蛋一樣好好食,

天婦羅蝦,湯烏冬,

尼餐真係好飽好飽,

4個人就食左WON152,000,

對港幣要$1086,真係心痛,應該要好肚餓先好來食,

17:00-17:30 步行-弘大行街

食飽再行去弘大,我地唔識搵,

見到位韓國伯伯勁好人,主動走嚟帶我地去,

行左10分鐘左右就去到DASIO,

可惜沿路唔記得影相,照下面地址,

其實見到KFC再向前行轉左,

再轉左就見到,幾層高好大好多野睇,同日本店差不多,不過日本仲多野睇,

17:30-18:00 Dasio / 弘大行街

Daiso 弘大www.daiso.co.kr-地址:KFC那邊沿大馬路直行,見十字路口(左邊有間門口賣零食店),轉左再屈返入後街就係daiso , 對面有間任食燒肉店,燒肉店隔離仲有間食窩夫的caf

行完DASIO老公終於頂唔順話要返酒店,
 

最後我地都冇辦法,唯有陪佢返酒店先,真係好激氣,

由弘大坐地鐵返乙支路3街,大約20分鐘,

19:00-19:30 STAZ II酒店
19:45-20:15 地鐵 : 忠武路 - 龍山火車站換火車票

陪佢返到酒店,我地3個人就再出發去龍山站,

先去換火車票,因為後日我地太早要出發,先換票會比較安全,

今次由忠武路出發,去到首爾站轉線,

到首爾站出左車廂就要睇住頭頂,佢地有指示牌,

小心睇就一定睇到,

 

20:15-20:30 龍山火車站換17/2火車票
好快我地就已經到龍山站,即刻排隊換車票,

換好已經差不多20:45最後決定返酒店休息

感覺好似日本D火車線,即刻影底相先

 

 

20:40-21:10 地鐵 : 龍山 - 忠武路

21:20      STAZ II酒店休息

沿返過嚟既路線返去,大約30分鐘返到酒店,

第二日既行程完成...唔開心係冇去弘大行過,

淨係知弘大好多年青人,街上好多人,

其實唔算好好行,可能我地唔鐘意人多既地方~